बिर्तामोड । बिर्तामोडको भद्रपुर रोडमा रहेको साइ अटो मोवाइल्स प्लाजा प्रा.लि.ले जावा मोटरसाइकलको बिक्री शुरु गरेको छ ।
नेपालमा आधिकारिक बिक्रेता अग्नि मोटोइंक प्रालिले नेपालमा क्लासिक लिजेण्ड्स कम्पनिले जावा मोटरसाइकल भित्र्याएको हो ।
बिर्तामोडको भद्रपुरमा रहेको साइअटो मोवाइल्स प्लाजा प्रालिले बिर्तामोडमा जावा मोटरसाइकलको डिलर स्थापना गरेर जावा मोटरसाइकलको बिक्री शुरु गरेको साइअटो मोवाइल्स प्लाजा प्रालिका सञ्चालक ओमप्रकाश श्रेष्ठले जानकारी दिए ।
गत कात्तिक १७ गतेदेखि जावा मोटरसाइकलको बिक्री र बुकिङ शुरु गरेको बताउँदै उनले हालसम्म बिर्तामोडका माधवकुमार झाले जावा मोटरसाइकल खरिद गरेको र काँकरभिट्टाकी सन्ध्या मास्केले जावा मोटरसाइकल बुकिङ गरेको जानकारी दिए ।
जावा मोटरसाइकल खरिद गर्ने बिर्तामोडका माधवकुमार झालाई साइअटो मोवाइल्स प्लाजा प्रालिका सञ्चालक ओमप्रकाश श्रेष्ठले जावा मोटरसाइकलको चावी हस्तान्तरण गरेका थिए ।
साइअटो मोवाइल्स प्लाजा प्रालिले जावा–फोर्टीटु सिंगल च्यानल एबीएस, जावा–फोर्टीटु डुअल च्यानल एबीएस र जावा क्लासिक सिंगल च्यानल एबीएस मोटरसाइकलको बिक्री र वुकिङ शुरु गरिएको उनले जानकारी दिए ।
जावा–फोर्टीटु सिंगल च्यानल एबीएसको मूल्य ६ लाख २० हजार रुपैयाँ, जावा–फोर्टीटु डुअल च्यानल एबीएसको मूल्य ६ लाख ४८ हजार रुपैयाँ, जावा क्लासिक सिंगल च्यानल एबीएस मोटरसाइकलको मूल्य ६ लाख ४८ हजार पाँच सय रुपैयाँ रहेको उनले बताए ।
नेपालमा जावा क्लासिक सिंगल च्यानल एबीएस ब्ल्याक, मरुन र ग्रे मा र जावा फोर्टी टु ल्युमस लाइम, ह्पालिज् टिल, गलार्टिक ग्रिन, स्टारलाइट ब्लु, कमेड रेड, नेबुला ब्लुमा उपलब्ध हुने उनले बताए ।
जावा फोर्टी टु नयाँ जावा इन्जिन २९३ सीसी लिक्विड कुल्ड, सिंगल सिलिन्डर, डीओएचसी इन्जिनसहित सर्वोत्तम इटालियन इन्जिनियरिङसँगको सहकार्यबाट निर्मित यसमा २७ बीएचपी र २८ एनएम टर्कका साथ एफआई टेक्नोलोजी इञ्जिन र बीएसभीसिक्स इञ्जिनको सुविधा, डवल साइलेन्सरको सुविधायुक्त रहेको छ ।
जावा मोटरसाइकल दैनिक सवारी प्रयोगका साथसाथै लामोदुरीको यात्रामा भरपर्दो रहेको बताइएको छ ।
यसको स्पेयर्स पार्टस् सहजै उपलव्ध हुने र त्यो साइअटो मोवाइल्स प्लाजा प्रालिमै ग्राहकलाई उपलव्ध गराइने स्पेयर्स पार्टस् म्यानेजर आयुस श्रेष्ठले जानकारी दिए ।
साइअटो मोवाइल्स प्लाजा प्रालिले जावा मोटरसाइकल खरिद गर्ने ग्राहकलाई तीन लाख रुपैयाँसम्मको फाइनान्सको सुविधा प्रदान गरिने सञ्चालक ओमप्रकाश श्रेष्ठले जानकारी दिए ।
