डाइलोसिस मेसिनको माग

अर्जुनधारा । अर्जुनधारा क्षेत्रमा मृगौला बिरामीहरुको संख्या २ दर्जनभन्दा बढी भएको कारण निःशुल्क डाइलोसिसका लागि मेसिन खरिद गर्न नगरलाई मृगौला पीडितहरुले आग्रह गरेका छन् ।

राज्यले निःशुल्क भनेर ठूला अस्पताललाई अधिकार दिए पनि कतिपय अस्पतालले रकम लिने गरेको बताएका छन् । अर्जुनधारा–७ का एक मृगौला पीडितले हप्तामा ३ पटक डाइलोसिस गर्दै आएको सुनाउँदै एक पटकमा रु ५ हजार एक्ट्रा तिर्नुपर्ने बताए ।

अर्जुनधारा–१ का अर्का मृगौला बिरामीको पीडा पनि त्यस्तै छ । त्यसो त वडा नं. १० घर भएका अर्का पीडितले पनि डाइलोसिस मेसिनको माग गरेका छन् ।

राज्यले धेरै छुट दिए पनि गम्भीर रुपमा रहेका मृगौला पीडितहरुले मासिक रुपमा २० देखि २५ हजार रुपैयाँ खर्च गर्दा आर्थिक रुपमा पूरै नाङ्गि सकेको पीडा पोख्छन् ।

त्यसैले डाइलोसिस सेवा सञ्चालनको लागि एक कर्मचारी २ वटा डाइलोसिस मेसिन र एउटा सामान्य हल निर्माण गरे नगर सरकार धन्यको पात्र हुने पीडितहरुको भनाई छ ।

कतिपय पालिकाले डाइलोसिस मेसिन राखेर सेवा प्रदान गर्दै आएका छन् । अर्जुनधाराले त्यति सामाग्री राख्न सक्छ ।

मृगौला पीडितहरुको मागलाई मध्यनजर राख्दै नगरले डाइलोसिस मेसिन राख्ने योजना बनाउँदै गएको अर्जुनधाराका नगर प्रमुख हरिकुमार रानाले यलम्वर टाइम्सलाई प्रतिक्रिया दिँदै चाँडै त्यसतर्फ स्थानीय सरकार जुट्ने बताए

    Comment Here!

प्रेस काउन्सिल नेपालमा सूचिकृत

सुचना विभाग दर्ता नम्बर : 1298/075-76

Designed By: Appharu Pvt.Ltd